Artisti i njohur shqiptar, Capital T, përgjatë shumë viteve ka korrë suksese të mëdha në karrierën e tij muzikore.
Përkundër kësaj, ai ka njoftuar miqtë dhe ndjekësit se po bën debutimin në një film në arenën ndërkombëtare.
Këngëtari pati paralajmëruar se do të jetë pjesë e filmit të titulluar “Jericho Ridge”.
Filmi i regjisorit Will Gilbey, fitues i çmimit Bafta ka bërë pjesë të këtij prodhimi kinematografik edhe reperin nga Kosova.
“Ishte absolutisht e mrekullueshme të ishe pjesë e kësaj, gjithashtu një falënderim i madh për ekipin më të mirë, secili individ që punoi për këtë”, shkruan reperi në rrjetet sociale.
Përndryshe, reperi po vazhdon të shijojë suksesin e dy këngëve të tij më të fundit, “Për ty” dhe “Dy zemra”, të cilat i solli të përmbledhura në një volum të vetëm.
