ASOCIACION NË RËRË
(Me një gem ulliri
vajza me flokë ngjyrëdielli
vizaton një zemër në rërë
hedh një gur në mes dhe ulet në të)
ti je zemra ime
e unë e tëra në të
(del nga zemra e vizatuar
mbetet vetëm guri)
nëse më hedh jashtë zemre
mbetem vetëm gur
në mbrëmjet e mugta
peshkatarët e dehur
do gjuajnë shenjë mbi mua
me peshqit e tyre të qelbur
qentë e ngashënjyer të sokaqeve
me yshtje do të më lëpijnë
do të mbetem
krejt jargë
