Fushes së ftohtë.
Ylberë derdh Qershori në fushën e ftohtë,
Si buzët e tua ndezur në të kuq qershitë,
Dikush më tha se rikthehen vendas të ikur,
Eh malli është si Vjosa e tërbuar s’ka pritë
.
Mërgoj dhe unë mallin aty, fjalës i jap udhë,
Fushë e ftohtë tani që gruri në dyllë ka rënë,
Qershive që nga shirat e beftë buza ju plasi,
Le ta nisim sërish bisedën aty ku e kemi lënë.
Ngjiten dhe zbresin të ikurit dhimbjen aty lënë
Ti i përshëndet ftohtë dhe lutjen u nis me vete,
Me siguri do të gjeni gjithë të mirat nëpër botë,
Por asnjëherë dashurinë qe ju mëkon kjo tokë.
