U plak çobani i fshatit
U plak çobani u plak
E merr rrugën me avash
Me avash e me një shkop
Se me vrapë nuk ikën më dotë
Edhe kopenë ja shinë
Me gjithë zile e këmborë
Po shikon stallën në brinjë
Zënë sytë e i lotojnë
Bobobo kopeja ime
Kopeja me 500 krerë
A t’a bënte perëndija
Të vinin prapë dhe një herë
Djemtë ikën edhe vanë
Muarën detet matanë
Mbeti plaku me plakën
E mori ferra uratën
Qani fusha qani male
Qani o dhëntë e mija
Ngelë boshë ato stane
Në kurbet iku rinia
