Wednesday, November 30, 2022
BallinaVitrina e libritGina Xhaferaj Kapaj-Kur shetis në Grykë të Kuçit

Gina Xhaferaj Kapaj-Kur shetis në Grykë të Kuçit

Kur shetis në Grykë të Kuçit

Kur shetis në grykat labe
Bëhem vajza me kurorë
Bëhem flutur që hedh valle
Bëhem lulja te buqeta.


Grykë e Kuçit më jep dehje
Me një fllad që vjen nga mali
Nëpër gryka era tretet
Si uj mali shatërvani.


Kur prek udhë Progonati
Bëhem lis e bëhem pishë
Sa fuqi më merrka shtati
syri ndizet si shkëndijë.


Ku ta gjej mikun e largët
Dorë më dorë e hap më hap.
Pranë sofrës, prag më prag.
Bëhem zog e pulëbardhë.


Këtu s’ka dyer dogane
këtu zoti ka shtëpinë
e hedh hapin si sorkadhe
marr në zemër kaltërsinë.

Këtu mali i puth yjet
Kënga bëhet shufër ari
Sofra paska këngë urime
Pikëlon vesa te bari

TË NGJASHME

Komento

Shkruani komentin
Shkruani emrin

TË FUNDIT