Tuesday, January 31, 2023
BallinaVitrina e libritMaliq Torra-FLOKËT ONDE - ONDE

Maliq Torra-FLOKËT ONDE – ONDE

FLOKËT ONDE – ONDE

( Lirikë )

Onde – onde flokët , si një det me valë .
Shih si jam tretur , për të shkretën fjalë !
Për atë të shkretë , që s’munda ta them ,
Zemra veç gjakut , ka brenda dhe helm .


Perëndia të bëri , të më tretësh mua .
Ndaje fjalën , ndaje , më thuaj të dua !
S’di se si duroj ? Po më çahet xhani .
Veten do ta vras , s’dua të më mbani !


Po kështu gëzohet , në mëhallë jarani .
Bota do llafosë : “Vrau veten filani !”
Jo , s’do të vritem , s’do t’i shkoj dynjasë ,
Se unë ta dini : Ngjallem prej sevdasë !


Po dhe ti qafirkë , ç’mban tërë këto nure ?
Sado që duroj , prap ti më sëmure .
S’mundem të duroj , po pëlcas lëkure .
Me një zemër butë , inatin pse zure ?


S’di se sa do pres , s’di si do vejë filli ,
Tashi u ftoh koha , para na pret dimri .
Vetëm do të ngrijë , qoftë dhe më trimi .
S’të pres asnjë ditë , se m’u sos durimi !

TË NGJASHME

Komento

Shkruani komentin
Shkruani emrin

TË FUNDIT