Kujton…
Dikur u kryqëzuan sytë,
u dorëzuan magnetizmit të vështrimit,
u ndez një dritë…
Dy pole të kundërt deshën bateritë,
xixëllonjë, flashi i tundimit,
drejtimit, t’i ndryshojë shigjetën…
Anija e shpirtit , udhëtoi ndjenjës,
deti ngjason me jetën,
ndërsa ai,
horoskopit të shenjës …
Ujori…
Të dy e çajnë rrethimin,
teksa përplasen mureve të zemrës time.
Kur e humbi vështrimin,
u bë gjethe tetori,
dhe u tret tutje
në kujtime…
