LERMËNI
Busavatë e gjelbëruar
Rrethuar me male e gurë
Dua të shoh të lulëzuar
Shpirtin tek ti e kam pruarë
Në ato lëndinat kadife
Të këndoj të flas me pyjet
Zëri im të shkojë në re
Për shoqërim të kam yjet
Bukuritë nuk mbarohen
Historitë derdhen lumë
Plagët aty më shërohen
Ndaj të dua më shumë
Tek shtegu i lirë të pushoj
Tek kroi i Mixhës ujë të pi
Dhe po s‘munda të vazhdoj
Dua përjetë të rri.