Tuesday, March 19, 2024
BallinaVitrina e libritAnila Toto-PAQE DASHURIE

Anila Toto-PAQE DASHURIE

PAQE DASHURIE

Dashuria ime…
Vij gjithmonë pranë teje
me hap të ngadaltë
me zemër të dridhur.
Lë ëndrrat larg
e humb në sytë e tu.


Ti rri pak shpenguar
e me vjen hidhur
derisa thua:
– Eja këtu!


Dashuria ime
Në epokën tonë
s’ka luftëra te mëdha,
as trima që vdesin për mua me shpatë.
Na lidh më shumë bashkë
rutina e ditës,
ose
na shtyn larg.


Dashuria ime,
Mbështes kokën aty
në kraharorin tënd,
tani s’është më një çast dobësie.


S’më vjen asnjë mendim ndër mend
e mbytem në paqe dashurie.

TË NGJASHME

Komento

Shkruani komentin
Shkruani emrin

TË FUNDIT