Sunday, July 21, 2024
BallinaVitrina e libritAngela Kosta-RILIND SËRISH GRUA HYJNORE

Angela Kosta-RILIND SËRISH GRUA HYJNORE

Ti… Grua…
Martire e brishtë
e tkurrur me vështrimin e përhumbur
aty ku nuk ekziston një fije zëri
apo shprese
britma dëshpërimi nga jeta e ndotur
në lotët e përzier me baltën e kuqe,
thonj… gërvishtje
mishëruar brenda shpirtit të përvuajtur.

Ti… grua… Çohu përsëri!
Zhvishu nga gjithçka që mohon
“Perëndeshën” brenda teje!

Çarmatosu nga kufiri
i durimit, i dhunimit!

Hiqe vellon e venitur
maskën e errësirës së përjetshme.

Çlirohu nga ai që nuk i meriton
grimcat e buzëqeshjes tënde të rrallë
e lagësht në buzët e tua.

Ti… Grua…
Jeto sërish!

Hapi duart
ku merr frymë forca e jetës!

Lulëzo përsëri!
Këndo! Buzëqesh!

Ulëri për lirinë tënde
burgut të jetesës së neveritshme
që perëndon rrugëtimin tënd.
Ti… grua…
Madhështore… Unike… Hyjnore.
Jeto!

TË NGJASHME

Komento

Shkruani komentin
Shkruani emrin

TË FUNDIT