Ju o zogj kur shkoni poshtë e lart
Që në dimër ikni e në verë vini
Më tregoni gjatë rrugës çfarë pat
Në ato brigje ku derdhet Buna e Drini
Kur të ktheheni prej shtegëtimit
Më tregoni kur ju zuri zhegu e tufani
Vall u ulët te kalaja në mes t’Ulqinit
Apo në malet ku ka lind Dardani?!
I tregoni këtij shpirti të vrarë
Që me zemër rrugën tuaj ndoqa
A kaluat ne Dibër,Ohër e Gostivar
Dhe në luginën ku rrjedh e egër Vjosa
Si ja bët kur ju zuri i ftohti dhe acari
U ulët diku apo fluturimin vazhduat
Ju ra rruga nga Osumi dhe Skrapari
Apo Bregut drejt Sarandës kaluat
Me krahë të hapur e varg varg
Kaluat në trojet e t’parëve t’mi
Apo shkuat pa i parë e shumë larg
Pat çfarë behej në Camëri?
Më tregoni se më ka marr ëmalli
Ndaj kur ktheheni këtu ju pres
Se për ato vende më djeg xhani
E me kokë nga qielli, tërë jetën mbes
