Bindjes time te palëkundur,
Kokfortësisë së pabindjeve që lakojnë
Të më bindin papandehur,
Unë, e ruajta për ty
Të shenjtë puthjen e përmallshme
Mallimeve
Prekjen hënore,lëmuar gishtash
Qè vec ëndrrave e lyp,
Veç unë e di sa herë ta dhashë,
Munguar përqafimesh
Zemrës ,që u dogj prangosjeve,
Mbyllur në një zarf të shpirtit
përmes vargjesh ,
Si pëllumb i bardhë shtegëton,
Sa e sa herë mungesash,
Ta dërgon një puthje,
Të vulos magjinë.
