MUZA IME
Mua muzën ma dha nëna,
Si gen gatuar në zemer e gjak,
Dritën e mora nga yjet dhe hëna,
Ma ushqeu nëna qysh në bark.
Rimën i madhi Gjergj Fishta ma dhuroi,
Dhe imazhin nëpër ngjyra e mora,
Kur shkruante sarkazma pa frikë e pa drojë,
Pushtetarët kritikonte si hora!
Pikturuar nga natyra Zadrimore,
Kështu nisi udha ime poetike,
Drejt artit magjik, të ndjerë,
Por shumë e kthjellët në mendime!
E çartur, e përzier, e rrëmuejshme vjen muza,
Por asnjëherë nuk vjen, e mjerë,
Muzen shpesh e marr’ nga populli,
Dhe popullit, lexues…..ja lë në derë”…!
