Mediat angleze raportuan se Ronaldo dhe Maguire ishin përfshirë në luftë për pushtet për kapitenin e Manchester United, ndërsa kapiteni aktual ishte i shpejtë për t’i hedhur poshtë këto thashetheme.
Ka kohë që dalin zëra nga zhveshtorja e gjigantit anglez United, rreth asaj se lojtarët janë të pakënaqur me shumë gjëra, e njëra ndër to është edhe fakti se Harry Maguire vazhdon të mbajë shiritin e kapitenit përkundër performancave të dobëta.
Gazetari i Mirror Football, David McDonnell, tha se Ronaldo ishte përfshirë në një diskutim të ashpër me trajnerin se atij duhej t’i takonte roli i kapitenit dhe jo mbrojtësit anglez.
Harry Maguire menjëherë reagoi në Twitter, duke thënë: “Kam parë shumë thashetheme për këtë klub që nuk janë të vërteta dhe kjo është një tjetër e tillë. Nuk do të filloj të postoj për gjithçka që është shkruar, por duhej ta bëja të qartë këtë. Ne jemi të bashkuar dhe të fokusuar të dielën. Shijojeni ditën tuaj të gjithë.”
Shumë herë kanë dalur thashetheme nga zhveshtorja e United për shumë gjëra, ndërsa është raportuar se këto rrjedhje informacionesh dalin nga vetë lojtarët.
