LUTJET PËR DASHURI
Në vendin e hirit të flijimit
Rridhnin lutjet posi lum,
Klithje,shpresa e ofshama
Shprishin dallgët e pafund!
Shtruan vargjet në thellësi
Shtyerje,thyerje të mos ketë,
E çiltër me thjeshtësi
Të qëndrojë mbi vetull!
Në kështjellë le të bekohet
Dashuri e çiltër le të përjetësohet,
Kur përulet,lule le të mbjellë
E kur ngritet valle le të hedh!
…………………………………………………………….
PAPRITUR MBRËMË
Papritur mbrëmë
Hyre në heshtjen
E shpirtit tim,
Shkëpute përgjumjen
E fshehur në feniks!
Dhe zbrite dehur
Në buzën vetmi,
Mbi supe të mia
Endesh në zjarrmi!
Mes pagjumësisë
U mbështolle,
Mu në vargun tim
Nën lëkuren time
Në kështjellë tani rri!
…………………………………………………………………………………………..
MAGJIA E PUTHJES
E ëmbël magjike
tronditëse pushtuese
kurrë e provuar
puthja jote
në buzët e mia
përherë e freskët
përherë e zjarrtë
përherë ëndrrimtare
unë
me puthjen tënde
jetoj
ti
ngado që të shkosh
nëse do të kthehesh
zjarrin e puthjes sate
do ta gjesh
në shkrumin
e buzēve të mia.
