Siç duron një grua -Bujana Xhindoli

–Siç duron një grua—
Ajo hesht, si një qiparis
e ftohtë fjala jote
athët në asht si piskamë i shkon,
zemrën ia plak, ninëzën ia loton.
Rishtas, ai shpirt i dlirë fal
edhe kur krenaria i shtrydhet
harron gjithë çfarë ti i thua,
sërish në krahë të përhidhet.
Dhurimi i saj pa kut
për ty është frymë,
falja e saj, o miku im
për shpirtin tënd është blatim.
E drojtur pret fjalën tënde
pret ndjesën e ledhatimet,
në ditët kur lodhet qenia e saj
në netët kur zemrën ia shtrëngojnë stuhi.
Grua, shpirt i bukur
dehur qofsh e ngazëlluar
gëzoju stinëve që mosha jote mbjell!
Duro, siç duron një grua…
©️ Bujana Xhindoli