Ti…
Herë vjen si jugë
Veshur me diej
Dhe m’i përndez
Yjet e fjetur…
Herë si veri
Mbështjellë me akuj
Si një mallkimë
Nga poli tjetër…
Ti…s’je as jugë
As je veri
As yje ndez
As akuj shkrin…
Ti je fantazma
Më e trishtimtë
Që mban nën pranga
Shpirtin tim…
Dashuri…
Pa hamendje t’u dorëzova
Të rashë në krahë si fëmijë
Kur këngë djepi më këndove
Në gjuhë me kode perëndish…
Të urrej përtej urrejtjes
O më e çmendura çmënduri
Tek pash si shet në emrin tim Mishin tim në treg të zi…
Kujtesë gruaje…
Orë të ngrira
Në sy, në shpirt
Mungesë lotësh
Qiell steril…
Kafshime buzësh
Kujtime gri
Të fshehta flakë
Erë, stuhi.
Kur ti dashuron pranverën…
Kur ti dashuron pranverën
Do desha diell unë të jem
Të ta mbuloj kraharorin
Dhe të të prek përnjëmend!
Kur ti dashuron pranverën
Do desha natën të të vij
Të t’i puth ato buzë
O më e çmëndura çmënduri…
Qëndromë larg…
Mos më godit kot o erë
Mos u mundo të më ndalësh
Jam dallg’ e detrave dhe e qiellit
Jam uragan prej mijëraballësh…
Mos më sfido kot o erë
Lëshoma rrugën paqësisht
Se s’më ndal dot me klon’ e maska
Jam uragan prej llaftarish…
