DUA…
Sonte dua të pi
Një gotë verë të kuqe
Të dehem duke kënduar
Dalldisur me gotën në duar
Ta shoh gjithë botën të përparuar
Dua të pi verë të bardhë
Ani pse mund të dal nga vetja
Edhe ashtu dua mos ta njoh veten
Për një çast
Për një gotë
Për një pikë verë
Si kurrë më parë asnjëherë
Të ndihem si dielli në pranverë
Dua ta pi atë gotë
Deri sa ta laj me lotë
Deri sa ta humb veten
Në univers të tretem
Ta shoh qiellin e shtatë
E të kthehem prapë
Dua ta pi një gotë
Të jetoj sot
Të nesërmes nuk i dihet
Edhe vera s’mund të pihet
Dua të dehem bashkë me dashurinë
Me gotën në dorë ta ngreh dollinë
Për ty për mua dhe gjithë njerëzinë
Gëzuar botë e rrejshme përjetësinë
