Qielli u bë gri
Një mjegull ziliqare retë i bën të vajtojnë
Emocione të ftohta përcjell kjo natë
Shpirtin me borë e mbulon
Dimri i vetmisë të ftohtin të fut në palcë
Stuhi dhimbjesh, zemrën e pushtojnë
Ëndrat e trembura struken
Në një cep të qiellit fshihen
Kjo natë e akullt ,pa yje ,pa hënë
Më udhëton nëpër kujtime
Ditët e dimrit sjellin nostalgji
Me zërin e dhimbjes flasim pa fjalë
Kjo ditë e vrenjtur shpirtin trishton
Me krahët e mallit largoi rretë e dendura
Dielli triumfon mbi mjegullën ziliqare
Në qiell doli përsëri
Akullin e kohës shkrin
Lundrojmë kaltërsisë përsëri!
