ATDHE, PSE TË DUA ?!….
Gjithçka që shoh me sy
E që të takon Ty…
Krejt është me rëndësi
Njerëzit edhe gjuha
Kështjellat dhe kullat
Ujëvarat dhe gurrat
Kreshtat dhe bregoret
Kodriçet, sukoret
Dashuria për Ty ushqehet
Dhe në lapidarët, monumentet
Dhe në epitafet për dëshmorët
Dhe në Flamur tonin,
Në krahë të Shqiponjës
Të dua, Atdhe…
Dhe për lotët, vuajtjet
Që ma bënin zemrën helm
Pse të desha dje
Pse të dua sot
Ty t’kam fe dhe Zot
Të dua, Atdhe…
Për fushat dhe malet
Për lumenjtë, liqenet
Për bjeshkët dhe detet
Për gjuhën shqiptare
Historinë kombëtare
Për lulëkuqe, varre
Për heronj, dëshmorë,
Për nxënës, minatorë,
Për studentë, punëtorë
Të dua truall arbëror
Je në botë më i miri
Dhe gur xhevahiri
E flamurit je shqiponjë
(Me rastin e ditëlindjes së dëshmores Antigona Fazliu (11 mars 1981)
Përballë kohës e tufanit
Dhe furtunës e murlanit
Me gjak tëndin n’ histori
Vetë firmose pavdekësi
Sytë e tu-shkrepëtimë lirie
Zemra jote- flakë atdhesie
Në shqiponjë shëmbëlleve
Dhe tiranin e urreve
Porsi shqipe heroinë
Shumë e deshe Shqipërinë
Në llogore si yll drite
Për liri u dogje, u fike
Ndaj furtunash e stuhish
Zemrën zjarr e syrin pishë
E patrembur tshe ti
N’flakë u hudhe për liri
2
Midis shokëve t’saj
Gone sokolesha
Kur gjëmonte bjeshka
Digjej porsi eshka
Këto vatra t’shtrenjta
Kur na i përgjakën
Zemrat për atdhe
Seç na u përflakën
Lulëkuqja heroinë
Shqiptarisht ra për lirinë
3.
Uturonte moti
Shqotë e suferinë
Gona në llogore
Fliste me lirinë
Me zogj t’shqipes
Gona n’pritë
Natë e ditë
Po bënin dritë
Kishin zemrat
Si vullkan
Zjarr lirie
Flakadan
Lavdi trime Antigonë
E Flamurit je Shqiponjë
NËNA
I
Balli Yt-
Një Abetare.
Syri Yt-
Një Dritare.
Zemra jote-
Një Fole.
Yti emër-
Vulë në zemër.
II
Në zemër
Kujtimi për Ty-
Zjarr
Në sy
Portreti Yt-
Vegim
Në jetë
Dashuria jote-
Ngushëllim.
