MAGJIA E PUTHJES
E ëmbël magjike
tronditëse pushtuese
kurrë e provuar
puthja jote
në buzët e mia
përherë e freskët
përherë e zjarrtë
përherë ëndrrimtare
unë
me puthjen tënde
jetoj
ti
ngado që të shkosh
nëse do të kthehesh
zjarrin e puthjes sate
do ta gjesh
në shkrumin
e buzēve të mia.
DY ANËT E SHKURTIT
Atëherë
në shkurtin e acartë
ti u fute në zemrën
time
si në një kështjellë
erë jugu më ngrohu
shpirti u mbush plot
mall.
Mbrëmë
fare papritur
përbrenda meje
diçka u lëkund,
u shkëput erë jugu
shpirtin tim e shkundi
ishte ngatërruar
rrugëtimi
në shkurt kish acar,
ne u deshëm gjithë
zjarr
në shtator u ndamë
dhe kurrë nuk u pamë.
