Erdhi Pranvera
O bylbyl kurrë s’kam harrue
N’diell e n’qiell me t’puthë ballë,
Drekë e darkë për me t’i shtrue
Prej dheut t’huaj kur ke me ardhë.
Shkriu bora prendvera vjen,
Kangën tande due ta ndi,
Vrri e bjeshka qingjat i ndjell
Me të pa luleve ndër qershi.
Në degë sythi po shpërthen
Fusha e mali gjithkah bleroi,
O bylbyl kur po na vjen
Kur livadh e pemë lulëzoi?
Rreze dielli si në asnjë vend
Drandofilat çil ngjyra-ngjyra,
Merrja kangës e mos rend
Në kopshtin tand të qesh fytyra!
Skifteri çerdhen me ta shkatërrue,
Në pyje e ograja zanin lësho!
Tana çerdhet me ndërtue
Në vendin tand lulen gëzo!
Nëpër maja shkriu bora
Pranë ujëvare çil zambak,
Në ato bjeshkë, n’brinja, kodra
Vallëzojnë zanat për marak.
Po ngjyen vargun poeti në magji
Hana ndrin në detin blu,
Po nigjoj një simfoni
Se vjen trolli n’krahët e tu.
