MUSTA ME ZANAT
(Pjesez poeme )
ILe Dile Ale Gale
Keta jane emnat e zanave t’malit
Po t’regoj ore Muste miku
Se ke ra ne pike te hallit
Jane idhnu’ zanat me ty
Nji premtim qe ua ke dhane
Ke lane shtigje bjeshke korie
N’toke te butene rrafsh ke dale
Ne Çakorr kur te zesh vend
Ore e zana kane me dale
Kane m’u ule me ty n’Kuvend
Me ba dert per shteg e mal
Zana madhe çka ka thane
More Muste lum une per ty
Per pa shkue deri n’ Berane
Nuk ja nisi me ty dashni
N’brigje n’maja n’ate Berane
Me kerkue emnin e tij’
Nguju’ n’kulle nji Zhuj’ Selman
Tu’ luftue me mbrojte kufij
K A T A N A
Katana lajmerohu
S’degjohet za shqim
Mbi Koshare nji zog
I bardhe ne fluturim
Ai shkoi ne amshim
Katana lajmerohu
Or djale
Ai hyri ne lule ujegurre
E bare
Katana therret Salihi
Lajmerohu asht thye
Kufini
Katana serbin e mori
Lumi
Ketu therret Anton Quni
Katana themel i Dardanise
Katana mbeshtete
Ne gjoksin e Shukrise
Katana permendore
E lirise
Europë borç me ke
O Zoti im
Triherë me plandosen për
Tokë
Njiherë në Berlin
Dytën herë Londer e Paris
Çdoherë në Europë
Tash në oborrin shtëpisë
Sime
Ç’faj kam ba
Pse isha i lashtë me
Mote
Apo pse e pashë me sytë
E mij
Krijimin e detnave
I pari shijova vënen e
Rrushit
Apo pse i pashë në anderr
Shën Florin e shën Laurin
Me vranë njerëzit e Karpateve
Pse i frigohen historisë
Pasha t’Madhin
Europë borç me ke
Se nuk e meritova
Që në në mesin e tokës
Sime
Të bajnë kufijë
Hienat e çelbura
As Ferrin e Dantes
E Holokaustin e Getës
As kapërcimin
Dy herë
Te Detit Jon
Europë boç me ke
SOKOL HALILI
