Nën dritën e hënës,zgjuar jam
Mendimet për ty,vërshojnë…
Shpirtin tim e përvëlon zjarr
Herë më zbehin e herë lumturojnë.
Atje tej larg ,ku je tretur
Mërgimi mes nesh ,urë vuri
Nuk di nëse dashuri,për mue ka mbetur
Apo dikush tjetër vendin zuri…?
Prita ah ,sa shumë prita,një fjalë nga ti
Të vallëzojmë si dikur sa shumë ëndërrova
Sa vargje shpirt,hodha poezi…
Sa këngë për ty ,i dashur këndova.
Hidhma zërin tënd të bukur e ëmbël
Si dikur kur më thoje”,lule me aromë”
Lere kurbetin,vëri flakën,këmbën…
Jetojmë dashurinë,në vendin tonë.
Këtu ka më shumë mirësi
Çdo stinë e vitit,këtu është pranverë
Eja i dashur ,pa lumturi
Nuk je i pasur,asnjëherë!
Të prita ,të prita e prapë do të pres
Se besën e kam të çmuar
Me ty e due jetën,deri sa vdes
Gjithmonë të dashuruar.
