Trimat lindin veç një herë
Në çdo njëzet e tetë Nëntor,
Të veshur jemi kuq e zi,
Flamurin shtrëngojmë në dorë,
Atë që dikur na dha liri.
Veç një herë toka leu,
Bij trima që ngritën flamur,
Për herë të parë Skënderbeu,
Ismaili mbi ballkon e mur.
Cep më cep anembanë,
Fustanellë dhe xhamadanë,
Edhe zemra na këndon,
Për shqipen që lart fluturon.
Gëzon shqipja mbi flamur,
Tek valëvitet sa ka nur,
Sa heronj për të u vranë,
Jemi zot të Shqipërisë thanë.
Eh moj shqipe me dy kokë,
Një për atdhe, një për bijtë në botë,
Ndaj të kemi të gjithë të shtrenjtë,
Si fëmijtë dhe të mëdhenjtë.
Mëmëdhe ku puthëm Diellin,
Ku shqiponja preku qiellin,
Emigrantët fluturojnë çdo vit,
Për nënën që i thahen sytë.
FANITJE NË SYTË E TU
Përgjoj në heshtje, shikimin tënd,
Në fshehtësi, rrahjet e zemrës tënde ndjej,
Shpërkujdesur, kraharorin zbuluar,
Më pret në udhën time të mallkuar.
Kam muaj që shikim përplas trotuarit,
Kur eci gjithnjë nxituar për në punë,
Ti vrapin e ndal, shikimin e lodhur,
Ballin bulëzuar djersë, që nis merr udhë.
Zgjas dorën, të ti fshij ndër faqe,
Ndoshta edhe me puthjet e mia do ti thaja,
Veç pak çaste të rri me ty pranë,
Si shkrepëtimë rrufeje, ëndrra zvanitet…
Çfarë shohin sytë e ty, që mbeta veç një hije,
Edhe pse mijëra shikime më ndeshin çdo ditë,
Ndoshta ti vjen nga të tjera shtegtime
Ndaj vetes time i them; ik, mos prit…
Ninullë e dashurisë time
Ninullë dashurije që më zgjon nga hera,
Ti më çfaqesh në ëndërrat e mija,
Të marr me vete sa herë dal nga dera,
Pranë më vije sa herë bija flija,
Zëri yt i ëmbël si tela violine,
Fjalët më të nxehta se vullkan,
Aroma jote lule trëndeline,
Me fustan të bardhë si Zanë më ngjan.
Kurorë i vumë njëri-tjetrit në kokë,
Unazë në gisht dhe çelës në zemër,
Vithet mbuluar nga të gjatat flokë,
Shpirt të flisja, asnjëherë në emër?
Jo jo në emër kurrë s’të fola,
Mijëra emra përkëdhelës të gjeja ,
Sa herë nga një ëndërr e frikur dola,
Mëndjen veç me sytë e tu gënjeja,
Ti ëndërra e natës, shpresa në agim,
Bukuria jote, marrëzi për mua,
Ti mu bëre tërbim dhe shërim,
Serum për shpirtin u bënë fjalët e tua.
