MË VJEN….
Më vjen keq
Për të pafajshmit
Për të padjallëzuarit
Për habitë e tyre të pakufishme
Për njerëzit në lemeritje
Për utopistët
Idealistët
Të korruptuarit
Karrieristët
Por, më vjen shumë mirë
Për ata që kalojnë
Të etshëm nëpër lumë
Për ata që kohën e kalojnë me punë
Për ata që rrinë zgjuar
E pak bëjnë gjumë
Për ata që kalojnë pastër në pasuri
Për ata që s’kanë urrejtje
Por vetëm dashuri
Për ata që kanë shpirt të pastër
E zemër plot dëlirësi
Më vjen keq e mirë
Për ata që s’janë të lirë
Por të lidhur me zinxhirë
Për ata që janë të lirë
Me shpirt xhevahir
Për ata që janë të pikëlluar
Dhe të shqetësuar
Për ata, krejt ndryshe nga unë
Dhe për ata që shëmbëllejnë
Dhe ngjajnë me mua shumël
Poezi nga Zymer Mehani
