MOS PYET
Nëse më pyet si jam
Do ta them, mirë jam
Derisa zemra
Më pikon gjak
E trupi im është akull
Ndaj dhimbjes
Që jeta na e solli
Nëse më pyet ku isha
Nuk do të përgjigjem
Pasi që një e di
E gjallë nuk isha
Për mua e ty
Nëse më pyet ku jam
As vet nuk e di
Shpirti im
U shkëput nga unë
Ditën kur unë dikujt
I’a bëra një premtim
Të thashë njëherë
Dhe prap ta them
Nuk mundë të jem
E lumtur
Në dhembjen e dikujt
Andaj të lutem
Nëse më don
Ashtu si e thua
Mos e kërko
Buzëqeshjen time
Pasi që ajo
Nuk më përket mua
Ishe Ti që e solle
Dhe e more me vete
Përgjithmonë
Selvije Kadriu-MOS PYET
TË NGJASHME