NUSE KURBETI
Motive dasme mirditore.
-O moj lulja e frashrit bardhe
Kur e ke ndermend me ardhe?.
-Sa te ndrij agu i pare
Zemra ime prush e zjarr.
-Çfar ka balli qe ben drite
A i ke vene sternglat perditë?.
-Si kam vënë,kam prit këte ditë
Në kurbet,kam le e rrit.
-O moj nuse,mergimtare
Kur do vish,nuse me u ba?.
-Se kurbeti ,dhimbje ka
Na lendoj,e na ka vra.
-O moj nuse,lule ftua
Mer buljeren,shko ne krua.
-Do te shkoj,pertej detit.
Mbush bucelen me lot,t’ kurbetit.
-O moj nuse,nektari i lules
Sa do mbash robat e nuses?.
-Veç nje nate,sa te dal drita,
Nuk me lejne,se mbaron viza.
-O moj nuse,si zambak
Me prind t’burrit rri dhe pak!
-Prinderit ,une,larg i kam.
Nuse jam, e nuse s’jam….
