EMRIN TËND TA SHKRUAJ
Emrin tënd Kosovë,
Ta shkruaj tek yjet
Ta shkruaj te fushat
Ta shkruaj te pyjet
Kosovë emrin tënd
Në gurra ta shkruaj
Në lumenjtë bilur
Në arat me grurë
Emrin tënd ta shkruaj
Në Shpellë të mermerit
Në krahët e Shqipes
Në ngjyra t’ylberit
Ta shkruaj tëndin emër
N’ kaltërsinë e qiellit
Në lulëkuqet e tua
Në rrezet e diellit
Në çdo vend ta shkruaj
Kosovë, emrin Ty…
Me kreni e dhembje
Me shumë dashuri
Për ty, Kosovë shkruaj
Vargje trimërie
T’kanë hije rreth brezit
Si gjerdan lirie
