NJOMËSHTI E KUSHTËZUEME…
Bjen nji shi
i gjumët vjeshte,
mbi dhimbjen e malltë
varrosun në sy…
…shpirti njomet perëndimesh,
e harkut të dashnisë
kujtimet çelin simbolin,
vegimit mbetun varun
prozës së harrnuar…
Bjen nji shi
i hijshëm si ândrra,
mbi tastierat e së djeshmes…
… e trupi shkrihet
shtratit ku flejnë rranjët,
si në nji lumnim amazone
me thirrorë ëngjëjsh
në buzët e zemrës…
Bjen nji shi i ndryt’, kurthit t’frymës!
