1. Miqësia e vërtetë nuk do të thotë të kesh lidhje sipërfaqësore, por,
vlera të përbashkëta.
2. Një njeri duhet të ketë në rradhë të parë virtytin, që të realizojë një miqësi të patundshme.
3. Duhet të punosh pa u lodhur sot, që të kesh kohë, për rehati e qetësi, nesër.
4. Të gjesh një mik/e të vërtetë në kohë të duhur, është buzëqeshje e fatit.
5. Të flasësh me dikë që
të do të mirën, kur je i shqetësuar, është qetësia, (terapia) më e mirë për trurin. .
Riparon veten.
6. Mos u dëshpëroni nëse diçka nuk ju shkon si duhet;
Mendohuni, thellohuni, ndryshoni.
7. Mos u zemëro me mikun e vërtetë që të vë në dukje gabimet, por, ruhu nga ata /ato që të lavdërojnë kot.
8. Asnjë njeri nuk është i pagabueshëm në jetë. Rëndësi ka të kuptojmë, se ku kemi gabuar dhe si mund t’i korrigjojmë ato.
9. Mos lakmoni t’ju bëni dhurata të shtrenjta njerëzve të dashur, zëvëndësohini ato,
me dashuri dhe respekt.
10. Një shoqëri apo individ, mund të themi ka ndryshuar, vetëm atëhere, kur është i ndërgjegjësuar, atdhetarisht.
11.Një popull që harron, sesi u fitua liria, me gjak, lotë e mundime, nuk do të dijë ta ruaj, ta mbrojë
atë.
12. Nuk duhet të fajsojmë fëmijët tanë, për sjelljet e papëlqyera ndaj nesh, por të analizojmë veten,se si jemi sjellur me ta në vitet e fëmijërisë dhe adoleshencës.
13. Të jesh i lumtur do të thotë;të japësh më shumë sesa të marrësh.
14. Paqja vjen natyrshëm, duke pastruar mendjen, inkurajuar njerëzit në nevojë e duke ju kthyer buzĕqeshjen me shumë dashuri.
15. Çdo e mirë fillon nga mendimet e veprimet e mënçura.
Ato, mund të ndryshojnë botën dhe anasjelltas.
16. Jeta mund t’i vendosë gjërat në një mënyrë që nuk i presim.
E rëndësishme është, të mos dorëzohemi para vështirësive, por, të luftojmë derisa të arrijmë qëllimet tona.
17.Për të hequr dorë nga zemërimet, duhet të qetësojmë mendjen.
Nuk duhet të flasim në një formë demonstrative, por, të butë e të ëmbël si mjalti.
18. Vetëm dashuria dhe respekti për njeri- tjetri do të na shpëtojnë.
Mos shihni sa na duan, por, si veprojmë ne, që të na duan.
19. Të kesh frikë nga të jetuarit do të thotë; të jesh i mbërrthyer në një vend.
Puno me veten, pastro mendjen, shpirtin.
20. Dashuria është si lulja, do kujdes në çdo moshë, nëse e ushqejmë mirë, nuk vyshket kurrë.
21. Harmonia dhe qetësia gjendet në shpirtin tonë, por, që ta kuptojmë duhet të mendojme pozitivisht, të punojmë me veten tonë.
