PAS MEJE
Pas meje jeta
Ti në ëndrra të shtrenjta
Në ditë të bardha
Jemi bashkë
Pas meje kënga
Vallja e shqiponjave
dykrerëshe
Në mes logut të burrave
Unë burrëresha e betejave
Pas meje ti dhe liria
Pas juve
Unë dhe dashuria
Për dheun tim të shtrenjtë
ERDHA PËR PAK DIELL
Në jetë erdha për Jetën
Nuk linda të mbetem fajtore
As edhe për një fjalë të vetme
Në jetë erdha për Diellin
Të më ngroh njëjtë si lulet
Erdha edhe për një ëndërr
Të jetoj pranë shkëlqimit të
yjeve
Kohërat ndoshta ishin fajtore
Pse dikur jetoja në ëndrra
Pranë diellit kisha acare dimri
Kudo trupin ma ngrinte ferri
Lulet çelnin ma vonë se
herave tjera
Rrugët e mërgimit i lava me lot
nënash
Kur më përcjellte deri të dera
e oborrit
Më thoshte mirupafshim bija ime
Të pret nëna me duar në gji
Me u rikthye në shtëpi!
NË VALËT E JETËS
Në valët e jetës
Mbeta në breg deti
Anijet vinin e shkonin
Udhëtare e tyre u bëra
Eca valëve të detit
Notoja me ëndrrat
Për ta parë dritën e diellit
Sërish mbeta në detin e vrarë
Toka kishte mëkat të njeriut
Pse nuk lëvizi bota pa mua
Nga largësia e atdheut tim
Akull mu bë edhe trupi im.
DHEMBJE
E kisha lexuar dhembjen
Kur jeta me është krejtësisht
tjetër
Për të nesërmen farë s’më
tregon
A mjafton vetëm dhembje
të kam
Atëherë i thëm vetes
Mos u brengos për jetën
Harroje pezmin e saj
Se dashuria është mbi të
Ajo është një mbretëreshë
Që ma thotë të vërtetën
Në të s’ka urrejtje
As që e urren dikë tjetër.
