Po pi të dashurën gotë verë.
Si buzët e tua pija dikur.
Dimri po vjen me flokë të tjerë
Ashtu si ti imazhin humb.
Atje mbi Dajt hëna po puthet,
Yllin dashnor po përkëdhel.
Mbase tani po i puth gushën,
Si unë ty diku njëherë.
A e mban mend o ato netë?
Netë notuar në dashuri.
Kur unë të puthja si një det
E hëna ndjente xhelozi
Tani tek eci buzë Lanës,
Me erën ngjitur kalipeç.
Trishtueshëm ujërat po më thonë:
Ku shkon kështu dashnor i keq?
A e mban mend o ato netë?
Netë martuar dashuri.
Kur unë puthja si një det
E hëna shihte në vetmi.
