DRITËSIM YJESH
…sonte yjet po ndriçojnë
si asnjëherë më parë
një valle e tyre e pambarim
po e thyejnë errësirën katranore
për të derdhë dritësim
mbi shpatullat e atdheut.
Në këtë natë të gjatë
dritësimi i yjeve
po e bënë të vetën
bashkë me hënën
lugetërit po i vë në gjumë
nëpër ato shtigje
ku zinin prita
për të plandosur shpirtëra
të pafajshëm në errësirë.
Gjithmonë lukuni kojotash
dëshirojnë mjegull errësirë
yjet me dritësimin e tyre
po ua zbulojnë gjurmat e tyre
në veriun e ngrirë
që kanë mbetur syshkyer
për një plojë gjaku të mundshëm.
Me rëndësi është
që dritëzimi i yjeve
po e thyen errësirën
bashkë me aurorën e bardhë
e po i lindin mëngjeset e kuqërremta…
