-KËSHTU, GJITHMONË-
Pres me padurim të më marrësh
Sërish brenda syve të tu,
Me gëzimin tim foshnjërak të mbushet
Bluja e tyre e pafundtë
…
Si një qiell që ka gjetur diellin do t’jetë,
Zogj që fluturojnë s’do të ketë, vërtetë,
Veç hareja e mijëra cicërimave
Shpirtin do të mbushë buzë më buzë…
Kështu është kur dashurohen fëmijët,
Rri me mua, kështu, gjithmonë!
Vallë, a s’ke dëgjuar të thonë:
Të rritesh është një kurth nga ku më s’shpëton?!
