Mbrëmë të ndjeva në një ëndërr!
Sikur më preke ku nuk jam prekur
As nëpër ëndrra prej fëminie
Ku ndizen zjarret që hedhin flakët
Përtej magjirave më të magjishme…
Mbrëmë ta ndjeva edhe rënkimën
Posa lëshove dorën drejt mesit
Me një rrëshqitje që ndez fitilët
Siç ndezin djajtë zjarret e ferrit…
Mbrëmë të ndjeva në çdo qelizë
Sikur më prekje me buzë ku s’preket
E unë të lutesha si e magjepsur:
,,Vazhdo të lutem, kalo më tej”!..
