Tifozi i Arsenalit i kishte anuluar pushimet me familjen për ta festuar titullin e kampionit!
Një tifoz i Arsenalit i kishte anuluar pushimet verore familjare vetëm e vetëm për ta shikuar ekipin e tij të zemrës duke e fituar titullin e kampionit në Premierligë.
Por, tash ky tifoz me siguri se është penduar.
Ekipi i Mikel Artetas udhëhoqi në garën për titull kampioni në pjesën më të madhe të sezonit, por në javët e fundit “Topçinjtë” ia mundësuar Manchester Cityt që ta merrte kontrollin e ligës.
Të dielën, ëndrra e tyre u shua pas humbjes 0:3 nga Brightoni, i cili festoi me golat e Julio Cesar Enciso, Deniz Undav e Pervis Estupinan, shkruan “Gazeta Express”.
Si rezultat, Cityt i nevojiten vetëm dy pikë në tri ndeshjet e fundit për ta siguruar titullin e tretë radhazi në Angli.
E pas lojës së Arsenalit u rikthye në skenë postimi i bërë nga tifozi i Arsenalit në muajin janar.
“Para një viti, unë dhe gruaja e ime e rezervuam një pushim familjar në Mauritius, për t’u nisur më 26 maj. Por, së fundmi e kuptova se ndeshja jonë e fundit në shtëpi do të jetë me Wolverhamptonin më 28 maj. Mu desh ta anuloja pushimin. Gruaja imë është tërbuar. Kam frikë të shkoj në shtëpi. Është më e mirë për ne që ta fitojmë ligën. Lutuni për mua”, kishte shkruar ky tifoz.
