VJESHTA NË PËLLËMBËN TIME…
Vjeshta në pëllëmbën time,
gjethe-verdha qaj e qajë,
rreth e qark plot trishtime,
gishtat ngrirë…si në fajë…
Lumenj malli gjoksit derdhur,
rrudhur-hapur…në shpërthim,
muza fjetur vrullshëm rrjedhur,
majë penës gjenë shpëtim…
Mjergullon…mëngjesi vrarë,
rreze-feksur prej mugëtimi,
njësh me ikjet…i pandarë,
shteg i zbathur udhë-kthimi…
Vjeshta në pëllëmbën time,
përpëlitet…herë pas herë,
rreth e qark plot trishtime,
gjethet bredhur der më derë…
