JO VETËM PËR VETE
Do të jetosh “bio?” , Ngjitu lart në fshat !
Ku pin ujë burimesh , hënën me sy mat !
Ngado rreth katundit , vende mrekullish .
Atje është parajsa , është fron perëndish .
Kur nis e del dielli , zgjohet krejt frymarrja ,
Piqet kokrre mollës , fillon pikon dardha .
Hënën për çdo natë , keq e bren meraku ,
Një sy prej sorkadheje , të shikon së largu .
Ku këndon bilbili , shtrihesh , fle nën hije .
Atje vakt pas vakti , ha çdo gjë me shije .
Atje dhe po lodhesh , nuk ke pshehrëtimë .
Fshatari s’ka huqe , s’ka fshatar me sqimë .
Më shikoni mua , s’ndjehem mirë qytetit .
Këtu rri burgosur , krejt shpirti poetit .
Zili kam bilbilin , lirinë e shqiponjës ,
Erën e Vendlindjes , atë flladin shëronjës !
