NJË YLBER NË MES…
I dashur,
Ç’është ky ylber midis nesh
Ku të dy kërkojmë ta kapërcejmë
E të bëhemi Njësh?!
Ta zemë në çark
Me fjalët e pathëna
E të jetojmë në dy
Zemra!
Vetëm Unë dhe Ti dimë
T’i gjelberojme pyjet,
T’i numërojmë të gjithë yjet!
Edhe detet dimë t’i shkripëzojmë
Me nektarin e luleve të sapoçelura,
Ku ti je kënga e bilbilit E unë ngjyra e kanarinës!
… Sa pritje e pambarimtë
Më këtë ylber në mes!
E kapërcejmë në ëndrra çdo natë,
Për t’u trishtuar
Çdo mëngjes!
… Ku ta gjejmë stekën Dashuri
Të hidhemi përmbi këtë
Ylber në mes…?!
