POPUJT DUAN PAQE E DUAN LIRI
Sa vuajtjet i hoqe ti Dardani
Se korbat e zi s’të lanë rehat
Adem Jashari me trimat e tij
Për ty e dhanë jetën si me le prap
Çohu ti ,Ibrahim Rugova
Trim i mençur e shumë urtak
Po t’kërkon sot ,ty ,Kosova
Në krye të saj të jesh ti prap
Është koha e mendjes e diplomacisë
Të mbrohet liria e fituar me gjak
Për t’i dalë zot, sot Dardanisë
E bijve të saj t’mos u hyjnë në hak
E sot Dardani ,më shumë se kurrë
Kërkohet vetëm diplomacia
E njeriut të mençur ,trim e burrë
Që ty asnjëherë t’mos cënohet liria
Ka ikur koha e kokave të nxehta
Është koha e mendjes në tavolinë
E koha e mendjeve të qeta
Që ti Dardani të gëzosh lirinë
Popujt duan paqe e duan liri
Nuk duan bomba e as raketa
Nga politika, sot , më shumë mençuri
Kërkohet për t’mbrojtur trojet e veta
