FILLIMDITA IME
Në qoshen e majtë të kafenesë, çdo mëngjes rri
në ulësen e fundit, atje tek muri i dekoruar,
pi kafenë e mëngjesit, shkujdesur në skemli,,
pres kohën që të vie, punën për ta filluar.
*
Kafenë s`e pi ngadalë, se më pëlqen e nxehtë,
filxhanin e boshatis, si rutinë e përditshme,
dhe më vjen një muzikë me tinguj të lehtë,
melodi që largon melankolinë e bezdisshme.
*
Në kafene jam përditë, pikërisht në ora shtatë,
ditët, gjithnjë, riciklohen veç me emra të tjerë,
qoftë ditë e shkurtër në dimër, a në verë e gjatë,
ulur në qoshen e majtë, aty do më gjeni përherë.
