(Dëmi që i bëjnë përçarësit dhe tradhtarër atdheut tonë-Shqipëri)
Nga Rudi Berisha
Sa herë një shqiptar që dëshiron të nisë një rrugëtim për të mirë dhe me qëllim të pastër, çdoherë i dalin në rrugë disa trupa të shitur tek armiku. Këta trupa mundohen me mish, gjak dhe shpirt t’i ndalojnë rrugën këtij shqiptari që ka qëllime madhore për vendin, atdheun dhe për të punuar për gjithë trojet shqiptare, për të punuar për një Shqipëri Natyrale. Ka shqiptarë që këtë e bëjnë pa vetëdije, ka disa që i bashkohen atyre që një jetë kanë qenë në shërbim të korbave të zi, kanë qenë në shërbim të çizmeve të armikut, kanë qenë spiuj, tradhtarë të kombit dhe të tillët ende kanë formë dhe janë në rrugëtim për fatin e keq në mes nesh dhe bëjnë zhurma të mëdha për të ndaluar ca procese të mira dhe ca rrugëtime të nevojshme për fatin e Shqipërisë Natyrale. Mirëpo, për Zotin të tillë njerëz këtë e kanë detyrë dhe mision. Tradhtarët e kanë punë që Shqipëria dhe fati i Shqipërisë të mos jetësohet kurrë. Ata punojnë që Shqipëria të jetë e rrënuar, e shtrirë për dhé. Sa keq që ata e flasin gjuhën tonë shqipe, por mendojnë përherë sllavisht dhe janë e do jenë kundër interesave shqiptare, kundër bërjes së Shqipërisë Natyrale. Ne shqiptarët e ndershëm dhe të rrugës së mbarë, duhet të kemi guxim-guxim, që atyre të liqve dhe atyre tradhtarëve t’u themi në sy dhe t’u tregojmë se ku do ta kenë vendin në faqet e historisë. Vetëm duke u përballur, duke ju thënë në fytyrë dhe duke ju afruar argumentet për të bëmat e tyre që i bën popullit e vendit tonë, dëmin që i kanë shkaktuar atdheut tonë, atëherë duke u treguar atyre të bëmat e tyre, ne do t’i zhveshim nga petku që na shitën si atdhetarë, ndërsa e gjithë jeta e tyre ka qenë në shërbim të armiqve tanë sllavë. Fuqia e tyre është e vogël, por një pjesë nga ne jemi frikacak të përballemi me ta. Ata ende e kësaj dite e kanë hapësirën e lirë për të ushtruar veprimtarinë e tyre prej tradhtari, por ne duhet t’i hapim të gjitha dosjet, të mbledhim fakte për të gjithë ata dhe t’i botojmë si një dosje që të gjithë ata t’i distancojmë nga jeta shoqërore dhe t’i zhveshim nga aktivitetet dhe besa disa nga pozitat shtetërore dhe ato jo shtetërore. Na duhet një bashkim i madh, na duhen njerëz që kanë guxim, vullnet dhe dashuri për gjuhën e bukur shqipe, për vendin e lagur me gjak dhe të mbushur me varre të fëmijëve, viktimave të luftës, dëshmorëve, heronjve, na duhen shqiptarë që në sy të tyre ka lot vetëm për dhimbjet e e trojeve shqiptare, na duhen shqiptarë që në zemrën e tyre i kanë shkronjat e arta ABC, na duhen shqiptarë që në mendjet e tyre dhe në shpirtin e tyre mendojnë se si ta bëjmë ribashkimin, bashkimin dhe të jetësojmë amanetin e grave dhe burrave që kanë luftuar dhe kanë vdekur me pushkë në dorë për të bërë Shqipërinë vërtet një Shqipëri të lirë, demokratike dhe me të drejta të barabarta për çdo qytetarë të saj, por për ata qytetarë që punojnë vetëm për Shqipërinë dhe e duan Shqipërinë. Populli im i dashur, trojet tona kanë nevojë për ne. Shumë toka sot janë me dhimbje. Shumë toka tona janë të kolonizuara me pushtues tanë, janë të shkelura nga çizmja pushtuese armike-sllave, ato me zë e nën zë na thërrasin përditë që t’u dalim në ndihmë, ne nuk kemi nevojë të përçahemi se kush do të jemi të parët ose kush do të jemi udhëheqës i një grupi, organizate, partie, etj., por ne duhet të kemi hallin dhe si të vazhdojmë strategjinë që të jemi në shpëtim dhe t’i zvogëlojmë, t’i ndalojmë rrjedhat e gjakut që i kanë trojet tona shqiptare, t’i zvogëlojmë dhimbjet dhe t’i mbyllim varret e gjithë tokave tona që me dhunë, me padrejtësi na i pushtuan dhe na i morën armiqtë tanë. Ky duhet të jetë halli i vetëm i çdo shqiptari që vërtet në trupin e tij ka gjak shqiptari dhe në mendjen e tij ka vetëm dashuri shqip. Rrugëtimi vazhdon… Sa të ketë shqiptarë mbi këtë dhé, do të ketë përpjekje dhe do të punohet për Shqipëri. Shqipëria është një dashuri që është bërë dhe do të bëhet gjurmë e pashlyer në zemra e një pjese të shqiptarëve. Shqipëria është një ujëvarë që shumë herë ka rrjedhur lot, gjak por kurrë nuk ka ndaluar rrjedha e kësaj ujëvare nga shqiptarët e ndershëm dhe nga kokat më gjeniale dhe me dashurinë më të madhe për të punuar dhe vepruar, besa dhe kanë dhënë koka për të ngritur Shqipërinë Natyrale. Ne, pavarësisht me çfarë çmimi do e paguajmë rrugëtimin tonë, ne nuk guxojmë të ndalojmë rrugëtimin për të drejtën dhe për të bërë Shqipërinë Natyrale. Vlera e Shqipërisë është më e madhe se çdo jetë e jona, jeta jonë është një, por për Shqipëri janë dhënë shumë jetë, janë dhënë shumë jetë për t’i dhënë vërtet Shqipërisë njëherë e përgjithmonë jetën e merituar që Shqipëria më pas të ketë jetë që të jetojë përjetësisht sa të ekzistojë kjo tokë e bashkuar dhe të valojë flamuri kombëtar kuq e zi dhe të jenë të gjithë gratë, burrat dhe fëmijët nën dhé të gëzuar e të lumtur. Gjaku i tyre e jetësoi dhe e bëri dritë mendimin tonë për Shqipërinë Natyrale. Ne na mbetet një barrë e madhe, të cilën barrë na e ngarkon gjaku i shqiptarëve që ranë nëpër rrugët e Shqipërisë për çlirim, liri të plotë dhe bërjen e Shqipërisë së bashkuar me të gjitha trojet e veta. Kjo barrë sot duhet të na rëndojë të gjithëve, t’i rëndojë të rinj e të reja, t’i rëndojë të gjithë shqiptarët që bukës i thonë bukë e ujit i thonë ujë…! Ne duhet t’i luftojmë me mënyrën diplomatike dhe t’i kalojmë përçarjet në mes veti. Përçarjet na çojnë në dështim dhe në shkatërrim në mes veti, përçarja është vërtet veprimi që më së shumti i bën dëm fatit të Shqipërisë Natyrale. Përçarja deshët apo nuk deshët motra dhe vëllezër, më së shumti i duhet armiqve tanë. Sot disa njerëz pa vetëdije dhe për arsye të egos së tyre i kryejnë një argat të madh armiqve të Shqipërisë, duke qenë përçarës dhe duke shkatërruar rrugëtime të mëdha që duan të nisin në interes të Shqipërisë Natyrale, disa njerëz të bashkuar në mes veti, ju vërtet që bëni përçarje jeni në anën e armiqve tanë. Andaj, nëse nuk i takoni hirit të humbjes suaj, nëse nuk jeni në fluturim me korbat e zinj, thirrni mendjes dhe ejani në fluturim me shqiponjat që janë mbi qiellin e mëmëdheut tonë më të bukur dhe të dashur Shqipërisë. Shqipëria është dhe do të jetë vetëm Shqipëri, themelet e Shqipërisë janë të ndërtuara me gjak të grave dhe burrave, me gjak të shqiptarëve më të mirë dhe të ndershëm që i ka lindur dhe rritur vet toka e Shqipërisë. Nuk ka forcë, nuk ka dorë mashtruesi, spiuni, tradhtari, që do të mund t’i lëkund themelet e Shqipërisë. Shqipëria është përballur me hije të zeza, është përballur me stuhi të egra, është përballur me furtuna të mëdha, por çdoherë ka dalë fituese, edhe pse me shumë dhimbje, plagë dhe tkurrje. Tani është koha të mbrohet kjo që është fituar me gjak, është koha më shumë se kurrë të punohet për atë që na e kanë pushtuar dhe marrë padrejtësisht. Ne punojmë dhe rrugëtojmë vetëm për atë që ka qenë dhe është e jona. Ne do të jemi në këmbë dhe nëse vdesim duke punuar, vepruar në të mirë të trojeve tona, për të ngritur vetëm një flamur kuq e zi në atdheun tonë. Fal i qoftë gjaku dhe trupi jonë Shqipërisë Nënë, Shqipërisë NATYRALE. Dardani Antike, 2023
