kur m´vjen mysafiri këtu në kurbet
ia hapi derën e odës së babës,
ia shtroj sofrën me çka ka qëllue
edhe kafen ia pjeku n´prush t´oxhakut
me xhezvën prej bakri
bajmë llaf e kajmë halle
deri te kanga e harruar e gjelit
kur m´vjen mysafiri këtu në kurbet
eu, po ç´i hapë Drenica krejt dyert e odave,
me çelësin e babës Hysen*
që e ruante në dollapin e zemrës
kur m´vjen mysafiri këtu në kurbet
uji i rrëmbyeshëm prapë kthehet Rekës së Mullinit
teksa baba Hysen cakat gurin e fatit
që bluen miellin e kujtimeve
