NJË GOTË VERË
Ma mbush një gotë verë kamarier
Nga rrushi i Rahovecit e dua
Nga ato kokrra ngjyrë ari të jetë
Mbushe një gotë për mua
Ma mbush një gotë verë kamarier
Nga rrushi shardone të jetë
Të shkëlqejë ngjyra e artë
Pak shije franceze të ketë
Mbushma një gotë verë kamarier
Sonte kam vendosur të pi
Të dehem me verë Rahoveci
Ta heq nga gjoksi këtë mërzi
Mbushma një gotë verë kamarier
Të pres më gjatë shpirti im s’duron
Për dashurinë që nuk është këtu
Për dashurinë që sonte më mungon
