MOS E MBYLL PORTËN
Kalit të ikur
mos ia mbyll portën
pas shtatë dite as pas shtatë vitesh
pas shtatë maleve
në një mot me mjegull
ai do të kthehet
para portës
do ta gërryejë dheun
me patkoin e flaktë
dy hije do zbresin
nga shala e tij e rrjepur
do e kalojnë pragun e blertë
qeni i shtëpisë
do ta tundë bishtin
do t’ciasë duke u marrë hijeve erë
para agut me mjegull
do të mbyllet vetë
porta e rëndë
