PËR TY
Do ta përmbys
botën e çoroditur
gurët e rrënjosur
do ti kisha tronditur
Lumenjëve të tërbuar
hovin do tua ndal
Ujit me gurgullima
pritën do t’ia zë
Acarin me ngrica
do ta bëja vapë për ty
Shiun me rrebesh
do ta kisha qetësuar
Aty ku fryn furtuna
unë ty të mbroj
bëhem mburoja jote
nëse ka nevojë
Nëse më kërkon
nuk mund të më shohësh
mbrapa më ke
por unë nuk dukem
Çdo hap që hedh
pas teje vrapoj
kot kthen kokën mbrapa
se e padukshme jam.
