A S’MË THUA?..
M’ thuaj moj zanë që ndrit si hëna
Ke aromë porsi zambak
Lum si ty qe t‘lindi nëna
Po hijeshohesh pak nga pak
E kur brishtë i lëshon gërshetat
Vezullojnë si borë mbi kodër
Anekënd gëzon djalëria
Nga Tetova gjer në Shkodër
M’thuaj mos je ndoj gocë Tirane
Je nga Durrësi, Kumanova
Gjithandej do vijë moj zanë
Me shqiponja tash u mësova
Je nga Dibra a Kërçova
Të bëj be se shpejt do vije
Jemi shumë vëllezër e motra
Anekënd gjithë k‘saji Shqipërie
M’ thuaj pra se m’ le me hall
Vij pa tjetër nga çdo anë
Se nuk mundem t’i bëj ballë
Kësaj lakmie që m’ka zënë
Na ka falë zoti me fat
Plot lulëkuqe trojet tona
I bashkojmë zemrat pa matë
Siç bashkon Drini e Valona
