PLAKA NË KRYEQYTET
Një ditë plaka
në kryeqytet ka shkuar,
çuditet me të rejat
si vishen zbuluar.
I bie fund e krye qytetit
dhe shikon me kërshëri
në dyqane e restorante
plot gra dhe fëmijë.
Gratë e kohës t’sotme
sa shumë kanë ndryshuar.
disa veshin pantallona
e disa gjysmëzbuluar.
Qysh erdhi kjo ditë
gratë të sundojnë
dhe burrat fatkeq
rrinë e vështrojnë.
Dikur me dimia
dhe pështjellak mbuluar,
rronim të lumtura
kurrë pa u trazuar.
Pash shumë gra të reja
që burrat i kanë larguar
u mahnita shumë
krejt kemi ndryshuar.
Ik moj plakë e gjorë
shko ti në shtëpi,
erdhën ditë të reja
ti ende s’e di.
