Zëvendësministri Hysen Durmishi ka konfirmuar se rruga për në Qendrën e Skijimit në Brezovicë është hapur për qarkullim.
Kjo rrugë gjatë ditës ishte bllokuar si pasojë e reshjeve të mëdha të borës, por sipas Durmishit pas një pune të pandërprerë dhe të palodhshme, ajo është hapur për qarkullim.
“Gjatë gjithë natës do të punojmë pandërprerë që në mëngjes të jenë të hapura edhe parkingjet në mënyrë që vizitorët ta frekuentojnë pa problem qendrën e skijimit”, ka theksuar Durmishi në një postim në Facebook, ku ka shpërndarë edhe një video nga rruga drejt Qendrës së Skijimit.
Ai tutje ka theksuar se duke i falënderuar punës së palodhshme të menaxherëve, që janë 24 orë në terren, dhe kompanive të mirëmbajtjes të angazhuar, të gjitha rrugët në Kosovë janë të kalueshme.
